पञ्चदेवल विनायक नगरपालिका वडा नं ४ कालिकास्थानमा अध्यापन गराइरहेका शिक्षक तथा लेखकसँग अछामका अध्यक्ष गोपाल बिष्टको मार्मिक गजल
महिना महिनामा बलियो ,गठबन्धन सरकार बनाउछन् ।
प्रत्येक दिन यति मरे,उति मरे मरेकै समाचार बनाउछन् ।
यही हो,यिनको विकास, लोकतन्त्र ,गणतन्त्र आएपछि ,
बाचुन्जेल, आफू र आफ्ना बस्ने सिंहदरवार बनाउछन् ।।
कहिल्यै आकाशबाट त कहिल्यै पातालबाट खसाउछन् ,
लाग्छ, खसाली, खसाली मान्छेको नरसंहार बनाउछन् ।।
नेपाली भुटानी बनाउछन् पुगेन खान,अमेरिका बेच्छन् ,
हेर्दाहेर्दै यी बुचरले मेरो देश मान्छे बेच्ने बजार बनाउछन् ।।
युवाजती खाडीतिर, कोही भारततिर, कोही जापानतिर,
पठाए सिंह गाउँमा,गाउँ अब ठुलै बस्ने ओडार बनाउछन् ।।
ओ सायब ,यही आलिसान,यस्तै मोझमस्ती बाच्छु, लाग्छ
पक्कै, कुनैदिन जनताले आफ्नो घर बालुवाटार बनाउछन् ।।
गोपाल बिष्ट , चिन्तन,
अछाम
