मेलमिलापकर्ता र पारालिगल सदस्यहरूलाई ३ दिने कानुनी क्षमता विकास तालिम सम्पन्न
अछाम, साउन ९– सामाजिक रुपान्तरण तथा मानवीय सहायता संघ (आस्था) नेपालद्वारा मंगलसेन नगरपालिका, कमलबजार नगरपालिका र ढकारी गाउँपालिकाका मेलमिलापकर्ता तथा पारालिगल सदस्यहरूलाई लक्षित गरी तीन दिने कानुनी क्षमता विकास सम्बन्धी तालिम सम्पन्न गरिएको छ।
सामाजिक मेलमिलाप, मानव अधिकार, लैंगिक हिंसा न्यूनीकरण, कानुनी सहायता तथा स्थानीय विवाद समाधान प्रक्रियामा सामुदायिक स्तरमा काम गर्ने व्यक्तिहरूको ज्ञान र दक्षता अभिवृद्धि गर्ने उद्देश्यले तालिम आयोजना गरिएको हो।
तालिमको उद्घाटन कार्यक्रम आस्था नेपालका सचिव कृष्ण देवकोटाको अध्यक्षतामा सम्पन्न भयो भने कार्यक्रममा प्रमुख जानकारी कार्यकारी निर्देशक निराजन बहादुर शाहीले दिनु भएको थियो।
कार्यक्रमका मुख्य प्रशिक्षकका रूपमा लोकेन्द्र बहादुर थापाले कानुनी संरचना, मेलमिलाप प्रक्रिया, समुदायस्तरमा हुने हिंसा तथा लैंगिक आधारमा हुने विभेदको समाधानका उपायहरूबारे सहभागीहरूलाई प्रशिक्षण दिनु भएको थियो।
तालिममा सहभागीहरूले यस्तो प्रकारको तालिमले आफूहरूको ज्ञान अभिवृद्धि मात्र नभई व्यवहारिक रूपमा समुदायमा सेवा गर्न थप प्रेरणा र आत्मविश्वास प्रदान गर्ने जनाएका थिए।
तालिममा तीनवटै पालिकाबाट करिब तीन दर्जन भन्दा बढी मेलमिलापकर्ता र पारालिगल प्रतिनिधिहरूको सहभागिता रहेको थियो।
