बाजुरा । बाजुरा जिल्लाको गौमूल गाउँपालिकास्थित बुढीगंगा नदी पहिरोले थुनिएको छ । सो खुल्दा आकस्मिक बाढी आउन सक्ने भएकाले तटीय क्षेत्रहरूमा साँझ सम्मै उच्च सतर्कता अपनाउन अपिल गरिएको हो ।
जल तथा मौसम विज्ञान विभागले सूचना जारी गर्दै नदीको तटीय क्षेत्रका वासिन्दालाई सतर्क रहन अनुरोध गरेको छ ।
बुधवार दिउँसो जारी सूचनामा उल्लेख छ, ‘गौमूल गाउँपालिका बाजुरामा बुढीगंगा नदीमा पहिरो गई नदी थुनिन गएकाले तटीय क्षेत्रहरूमा साँझसम्मै उच्च सतर्कता अपनाऔं ।’
प्रतिक्रिया