ढकारीमा पहिलोपटक सांस्कृतिक महोत्सव हुँदै,स्थानीय कलाकारहरूको धमाका प्रस्तुति हुने

सागर देबकोटा अछाम, चैत २५ – आउँदो चैत ३१ गते ठकारी गाउँपालिका–३, बुडासैन अछाममा प्रथम ढकारी सांस्कृतिक महोत्सव आयोजना हुने भएको छ।

नयाँ वर्ष २०८२ को अवसरमा शुभकामना आदान–प्रदानसहित आयोजना हुने यो महोत्सव श्री सिर्जनशील बाल क्लब, ठकारी गाउँपालिका, अछामको आयोजनामा हुन लागेको हो।

महोत्सवमा राष्ट्रिय तथा स्थानीय कलाकारहरूको विशेष सांगीतिक र नृत्य प्रस्तुति रहनेछ।

उक्त महोत्सवमा चर्चित चर्चित हाँस्यव्यङ्ग्य तथा गायक जनक साउद लाल टोपी,नृत्य कलाकार भिम बिष्ट,डान्सर नरेन्द्र थापा,बाल डान्सर गीता बुढा,देउडा गायक उमेश थापा, डान्सर हरिना बुढा, करिश्मा सिंह लगायतका कलाकारहरूले दर्शकहरूलाई मनोरञ्जन दिनेछन्।

कार्यक्रमको उद्घोषकको रूपमा हरिश थापा रहनेछन्।