अछाम —नेपालगन्जमा व्यवसायीहरूको सीप अभिवृद्धि तथा स्थानीय उत्पादनको बजार प्रवर्द्धन गर्ने उद्देश्यले व्यवसायिक क्षमता विकास र बजार प्रवर्द्धन तालिम सुरु भएको छ।
लाईभ लिहुडसको आर्थिक सहयोगमा प्राटिकल एक्सन,आस्था नेपाल र डेकोसको सयुक्त साझेदारीमा लुम्बिनी र सुदूरपश्चिम प्रदेशका विभिन्न जिल्लामा काम गरिरहेका बितरकहरुका प्रतिनिधिहरुलाई उक्त तामिको आयोजना गरिएको छ ।
तालिममा स्थानीय स्रोत, सीप र उपलब्धता उपयोग गरी आत्मनिर्भर उद्यमशीलता विकासमा जोड दिइएको छ ।
प्रशिक्षणमा सहभागीहरूलाई व्यापार योजना निर्माण, लागत व्यवस्थापन, उत्पादन तथा बजार विश्लेषण, र उपभोक्तासँगको व्यवहार सम्बन्धी जानकारी प्रदान गरिएको छ।
तालिमको क्रममा सहभागीहरूले आफ्नो सोच, आत्मा विश्वास र स्थानीय स्रोतको पहिचान मार्फत कसरी व्यवसायिक सफलता हासिल गर्न सकिन्छ भन्ने विषयमा खुल्ला छलफल गरिएको छ ।
कार्यक्रममा प्रशिक्षकका रूपमा निर्मल सिग्देल रहेका छन । उक्त कार्यक्रम चैत्र २७,२८,२९ गते सम्म निरन्तर चल्ने आस्था नेपाल का लेखा अधिकृत बिष्णु जैशी ले बताएका छन ।
सहभागीहरूका अनुसार तालिमले उनीहरूलाई व्यवसायिक दृष्टिकोण विकास गर्न थप आत्मविश्वासी बनाएउने जानकारी दिएका छन।
प्राटिकल एक्सनका प्रोजेक्ट म्यानेजर महाभारत ब्यास श्रेष्ठले उद्घाटन गर्नुभएको कार्यक्रमको सहजीकरण कार्यक्रम अफिसर तिर्थ भट्टले गर्नुभएको थियो।
प्रतिक्रिया