नेपाली विद्यार्थी संघको टिम विजयी, संयुक्त प्यानल पराजित

कैलाली — सुदूरपश्चिम विश्वविद्यालय अन्तर्गत कृषि विज्ञान संकाय, टीकापुरमा सम्पन्न स्ववियु निर्वाचनमा नेपाली विद्यार्थी संघ ९नेवि संघ० को प्यानलले संयुक्त प्यानललाई पराजित गर्दै सम्पूर्ण पदमा शानदार विजय हासिल गरेको छ।

अध्यक्ष पदका उम्मेदवार किरण साउँदको नेतृत्वमा गठित नेवि संघ टिमले प्रमुख पदसहित सदस्य पदहरूमा पनि जित हात पार्न सफल भएको छ। निर्वाचन परिणाम अनुसार अध्यक्ष किरण साउँदले ६५२ मत प्राप्त गर्दै विजय हासिल गरेका छन्।

त्यस्तै, उपाध्यक्षको रुपमा लोकेन्द्र प्रसाद भण्डारी, सचिवमा हेमन्त सापकोटा, कोषाध्यक्षमा नृपेश नेपाललगायतका उम्मेदवारहरूले पनि जित दर्ता गराएका छन्।

समाजवाद, लोकतन्त्र, राष्ट्रवाद र विद्यार्थी एकताको नाराका साथ चुनावमा उत्रिएको नेवि संघ टिमको विजयसँगै टीकापुरको विद्यार्थी राजनीतिमा नयाँ नेतृत्वको आगमन भएको छ।

३परिवर्तन सम्भव छ भन्ने नाराका साथ अघि बढेको टिमले अबका दिनमा विद्यार्थीका हकअधिकार र विश्वविद्यालयको समुन्नत विकासका लागि कार्य गर्ने प्रतिबद्धता जनाएका छन्।