अभियन्ता बिनोद थापाको यति सानै उमेरमा यस्तो काम

लम्कीचुहा– चिसापानीमा लम्कीचुहा लम्कीबाल सञ्जाल कैलालीले बिहिबार गरेको पत्रकार सम्मलेन मार्फत बाल गृह निर्माण गर्नका लागि जानकारी गराइएको छ ।

‘बालबालिका पीडा बालबालिकालाई थाहा हुने भएकाले बालगृह निर्माण गर्न लागिएको छ।’ बाल सञ्जालका अध्यक्ष बिनोद थापाले भने, ‘स्थानीय सरकार लगायत सहयोगीदाताहरुको सहयोगमा सिघ्र बालगृह निर्माण गरिने छ।’

नगरपालिकामा रहेका अनाथ, गरिब अशक्त, अपांग बालबालिकालाई उनीहरुको बसोबास देखि लिएर सडकमा खुद्रा समान विक्री गर्ने, अध्ययनमा रुचि नभएर अन्यत्रमा ध्यान दिने बालबालिकाहरुलाई उचित वातावरण दिएर नेतृत्व गर्ने सम्मको क्षमता विकास गर्ने उदेश्य रहेको अध्यक्ष थापाको भनाई रहेको छ ।

बालगृहको निर्माण लम्कीचुहा–३, चिसापानीमा हुने छ । अभियन्ता थापाको यति सानै उमेरमा यति ठुलो सोच भनेर चिसापानीकि स्थानीय बिमला न्यौपाने ले उच्च संमान गर्नु पर्छ र सबैले सक्दो सहयोग गर्नु पर्छ भन्नू भएको छ