भन्सार छली गरी अवैध चिनीसहित सार्वजनिक बस नियन्त्रणमा

चितवन । पर्साको ठोरीबाट भन्सार छली ल्याइँदै गरेको चिनीसहित माडी प्रहरीले एक सार्वजनिक बस नियन्त्रणमा लिएको छ ।

ठोरीबाट माडी हुँदै भरतपुर चल्ने ना। ५ ख। २५५४ नम्बरको बसमा भन्सार छली गरी अवैध रूपमा ओसारपसार गर्दै गरेको २५ बोरा चिनी र ओसारपसारमा संलग्न गाडीलाई ईलाका प्रहरी कार्यालय माडीले नियन्त्रणमा लिएको हो ।

नियन्त्रणमा लिइएको गाडी र चिनीका बोराहरु थप अनुसन्धान र कारबाहीको लागि राजश्व अनुसन्धान कार्यालय बारा पठाएको माडी प्रहरी प्रमुख झलक शर्माले जानकारी दिनुभयो ।