अछामको मंगलसेन नगरपालिका वडा न १२ बान्नातोली निवासी पदमा नाथलाई खाद्यान्न सहित आर्थिक सहयोग गरिएको छ । साहारा बिहिन पदमालाई सामाजिक विकास कार्यालय अछाम र स्वदेश तथा विदेश बाट विभिन्न सहयोगी मनहरुले पठाएको रकम बुधबार हस्तान्तरण गरिएको हो ।
सामाजिक विकास कार्यालय अछामले खाद्यान्न, लुगा कपडा सहयोग गरेको छ भने रेडियो गाउँघरको पहलमा पदमा नाथका लागि संकलन भएको ४५ हजार ८ सय ४७ रुपैया नगद समेत हस्तान्तरण गरिएको रेडियो गाउँघरका कार्यकारी निर्देशक टेक बहादुर थापाले बताउनुभयो ।
पदमाको अवस्थाको बारेमा सामाजिक संजालमा भिडियो सार्वजनिक भएपछी स्वदेश विदेशमा रहेका व्यक्तिहरुले आर्थिक सहयोग गर्नुभएको थियो । पदमाको लागि एकै दिन ५० हजार बढी रकम संकलन भएको थियो भने अहिले पनि विभिन्न क्षेत्र बाट रकम संकलन भईरहेको छ । बाकी संकलित रकम केही दिनमै पदमाको घरमै गएर हस्तान्तरण गरिने बताईएको छ ।
उमेरले झण्डै ८० वर्ष नाघेकी पदमा संग अहिले सम्म नेपाली नागरिकता समेत छैन । यता वडा अध्यक्ष खकेन्द्र बहादुर रावलले उहाको नागरिकताको लागि आवश्यक प्रकृया अघि बढीसकेको जानकारी गराउनु भएको छ । वडा अध्यक्ष रावलले भन्नुभयो उहाँ संग नागरिकता छैन भन्ने कुरा हामीलाई पनि अहिले आएर थाह भयो अब नागरिकता दिलाउनका लागि वडा कार्यालयको तर्फबाट प्रकृया सुरु गरेका छौ अध्यक्ष रावलले भन्नुभयो ।
पदमाको छोरा रोजगारीको लागि भारतमा हुनुहुन्छ, आफु संग लैजानका लागि छोरा बुहारीले धेरै प्रयास गर्दापनी जान नमानेको उहाको नातिनी लक्ष्मी बनले जानकारी दिनुभएको छ ।
प्रतिक्रिया