पञ्चदेवल विनायक नगरपालिकाका सूचना अधिकारी ललित बुढा यो सन्देशमूलक संक्षिप्त लेख
महिनावारी भएकी नारी अछुत, अपवित्र र खराब होइनन्, महिनावारी भएको बेला बग्ने रगत अछुत, अपवित्र र खराब हो । सृष्टिले महिलाहरुलाई मातृत्व शक्ति प्रदान गरेकाले महिलाहरुले गर्भ धारण गर्नुपर्दछ ।
गर्भ धारण गर्ने समय सुरुवात भएपछी रजस्वला सुरु हुन्छ र प्रजनन् उमेर सकिएपछी रजश्वला बन्द हुन्छ अर्थात महिलाहरुको गर्भधारण प्रक्रियालाई सुरक्षित र सफा गर्ने प्रक्रिया नै रजश्वला हो ।
महिनावारी भएको बेला महिलाहरुलाई असुरक्षित ठाउँ होइन, निकै सुरक्षित र सफा ठाउँको आवश्यकता हुन्छ । गर्हौं कामहरु गर्ने होइन, झन आरामको आवश्यकता पर्दछ ।
महिनावारी भएको बेला निस्किने रगत स्वयं रजश्वला भएको महिलाको स्वास्थ्यको लागि, अरुहरुको स्वास्थ्यको लागि र पर्यावरणिय स्वास्थ्यको लागि समेत हानिकारक हुने भएकाले यो बेलामा सुरक्षित रुपमा कसैलाई असर नपर्नेगरी महिलाहरु छुट्टै बस्नुपर्दछ भन्ने सिद्धान्त हो ।
महिनावारी भएको महिलाहरुलाई अछुत ठान्ने, असुरक्षित छुट्टै सानो साँघुरो घरमा बसाउने, गोठमा बसाउने, ओडारमा बसाउने, खानामा विभेद गर्ने र गर्हौं काम गर्न लगाउने आदि कुराहरु अज्ञानताबस महिलाहरुमाथि भैरहेको अन्याय र अपमान नै हो ।
