अछाममा अज्ञात रोगका कारण कुखुरा मर्दै,उपचार गर्ने निकाय बेखबर

टेक बहादुर थापा,पौष २३,अछाम –अज्ञात रोगका कारण अछाम जिल्लामा पछिल्लो समयमा धमाधम कुखुरा मर्न थालेका छन । एकपछि अर्कोगरि कुखुराहरु मर्न थालेका हुन । जिल्लाका विभिन्न ठाउमा ब्यवसायीक रुपमा कुखुरा पालन गरिरहेका किसानहरु यसरी कुखुरा मर्न थालेपछि निकै चिन्तीत बनेका छन ।

निकै दुख्ख गरेर पालेका कुखुराहरु मरेपछि आफ्नो दैनिकी चलाउन समेत समस्या भएको मंगलसेन नगरपालिका वाड न ६ का किसान पुस्पराज भण्डारीले गुनासो गर्नुभएको छ । नन्दादिप लोकल कर्षि कुखुराम फर्मको नामाकरण बाट ब्यवसाय गरिरहनु भएका भण्डारीका एकैदिन २ सय ८५ वटा कुखुरा मरेका छन । विभिन्न ठाउबाट संकलन गरेर ल्याएका कुखुराहरु एकैरात मर्दा आफुलाई निकै चिन्तीत बनाएको भण्डारीले दुखेसो गर्नुभएको छ ।

यता ठुलासैनमा होटेल ब्यवासय गर्दै आएका नरेन्द्र भण्डारीका पनि १८ वटा लोकल कुखुरा मरेका छन । गाउँमा गएर संकल गरेर ल्याएका ठुलठुला लोकल कुखुराहरु एकैरातमा सखाप भएपछि आफुलाई निकै ठुलो नोक्सान भएको भण्डारीले रेडियो गाउँघरलाई बताउनुभयो ।

उता पंञ्चदेवल बिनायक नगरपालिकाका भिम बहादुर नेपालीका पनि ४८ वटा लोकल कुखुरा एकैपटक मरेका छन । आफुले पालेका ४८ ओटा कुखुरा मरेको नेपालीले जानकारी गराउनु भएको छ । जिल्लाका अन्य ठाउमा पनि कुखुराहरु मर्न थालेका छन । दिनहुँ आफ्ना कुखुरा मर्न थालेपनि सम्बन्धीत निकायले चाँसो नदेखाएको उनको गुनासो छ ।

यता जिल्ला पसुसेवा कार्यालय अछामले भने विरामी कुखुराको मासु नखान अनुरोध गरेको छ । मरेका कुखुरा खाल्डो खनेर गाड्न समत कृषकलाई अनुरोध गर्नुभएको छ । कुखुरा के कती कारणले मरे पत्ता लगाउन नमुना परिक्षणको लागि धनगढी पठाईएको जिल्ला पसुसेवा कार्यालय अछामले जानकारी दिएको छ ।