काठमाडौं । नेकपा एमालेकी सचिव पद्मा अर्यालले एमालेले आफ्नो इमान नगुमाएको बताउनुभएको छ ।
अहिले राजनीतिमा भएको राष्ट्रपति र सरकारबारे निर्णय लिन एमालेको सचिवालय बैठक सुरु भएको छ। पार्टी कार्यालय च्यासलमा पार्टी अध्यक्ष केपी शर्मा ओलीको अध्यक्षतामा बैठक सुरु भएको हो।
त्बतब
ल्ःद्य
राष्ट्रपति पदका लागि आज उम्मेदवारी दर्ता हुने भएकोले उम्मेदवारी दिने या नदिने भन्ने विषयमा बैठकले ठोस निर्णय दिने बताइएको छ । यस्तै सरकारमा रहने या नरहने भन्नेबारे पनि निर्णय लिने बताइएको छ ।
शुक्रबार वर्तमान सत्ता गठबन्धन भत्काएर नेकपा माओवादी केन्द्रले नयाँ गठबन्धन बनाउन सघाएपनि एमाले आक्रोशित बनेको छ। बेइमान र छलकपट गरौँ भने एमाले पनि सत्तामा रहिरहन सक्ने तर यस्तो छलकपटमा एमाले नलाग्ने र पूर्वसहमती अनुसार चल्न खोज्दा माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्डको कपटपूर्ण प्रवृतीका कारण आज यस्तो अवस्था आएको आरोप लगाउनुभयो ।
नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै सचिव अर्यालले एमालेलाई यस्ता कुराहरुले केहि पनि असर नगर्ने दावी गर्नुभएको छ ।
प्रचण्डको बेइमानी र कपटपूर्ण प्रवृतिले राजनीति नराम्रो तरिकाले उदाङगो भएको छर्लङग देखिएको बताउँदै अर्यालले यसमा बेइमानहरु दोष रहेको एमाले इमान्दार भएको प्रष्ट देखिएको बताउनुभयो ।
अहिलेको गठबन्धन तोड्ने कुनै पनि कारण नहुँदानहुँदै प्रचण्डले सहमती तोडेर आफ्नो खुट्टमा उभिन सक्ने मान्छे नै नभएको प्रमाणीत गरेको सचिव अर्यालको आरोप छ । यस्तै प्रचण्डको कहाँबाट र कसरी चल्नुहुन्छ भन्ने कुरा नै अनुत्तरित भएको अर्यालले बताउनुभयो । नेपालको राजनीतिको राष्ट्रिय समस्या नै प्रचण्डको भएको दावी गर्नुभयो ।
प्रतिक्रिया