अछाम – प्रधानमन्त्री कृषि आधुनिकीकरण परियोजना अन्तर्गत साफेबगर नगरपालिका–४ मा निर्माण गरिएको संकलन केन्द्रको अनुगमन सम्पन्न भएको छ।
अनुगमन टोलीमा जिल्ला समन्वय समिति प्रमुख ललित बहादुर कुवर, साफेबगर नगरपालिका वडा नं ४ का अध्यक्ष नवराज बुढा, प्रधानमन्त्री कृषि आधुनिकीकरण परियोजना प्रमुख बिनाराम बुढाथोकी, जिल्ला प्रशासन कार्यालयका प्रतिनिधि चक्र शाही, भेटेनरी अस्पतालका पशु विज्ञ केन्द्र प्रमुख होमनाथ पाण्डे, महिला अधिकारकर्मी पशुपति कुवरलगायतको उपस्थिति रहेको थियो।
अनुगमनकै अवसरमा वडा नं ४ बाट चालु आर्थिक वर्ष २०८१/८२ को विनियोजित बजेट अन्तर्गत संस्थालाई आवश्यक पर्ने ३५ थान प्लास्टिक कुर्सी खरिद गरी वडा अध्यक्ष नवराज बुढाज्यूको हस्तान्तरणमा सम्बन्धित सहकारीलाई प्रदान गरिएको छ।
संकलन केन्द्रको संचालन र व्यवस्थापनलाई थप प्रभावकारी बनाउने उद्देश्यले गरिएको यो अनुगमनले स्थानीयस्तरमा कृषिमा आधुनिकीकरण र सहकार्यको सम्भावनालाई उजागर गरेको सहभागीहरूको धारणा रहेको छ
प्रतिक्रिया