काठमाडौँ – जिम्बावेमा जारी आईसीसी एकदिवसीय विश्वकप छनोट अन्तर्गतको प्लेअफ खेलमा आज नेपालले यूएईको सामना गर्दै छ। खेल नेपाली समय अनुसार १२स्४५ बाट शुरू हुनेछ।
नेपाल र यूएई दुवै यसै वर्ष भारतमा हुने एकदिवसीय विश्वकपमा छनोट हुन असफल भइसकेका छन्। ‘सुपर सिक्स’ मा समेत नपुगी दुवै टोली बाहिरिएका थिए।
अब नेपाल र यूएईबीचको विजेताले सातौं स्थानका लागि आयरल्यान्ड विरुद्ध भिड्न पाउनेछ। पहिलो प्लेअफमा आयरल्यान्डले अमेरिकालाई पराजित गरेपछि सातौं स्थानको लागि भिड्ने मौका पाएको थियो।
यस्तै नेपाल र यूएईबीचको पराजित टोलीले भने नवौं स्थानको लागि अमेरिकाको सामना गर्नेछ।
यूएईको तुलनामा नेपाल बलियो देखिएको छ। नेपाल एकदिवसीय वरीयतामा १४औं स्थानमा छ भने यूएई १९औं स्थानमा छ।
प्रतिक्रिया