धनगढीः कैलालीको बसन्ता वन क्षेत्र अतिक्रमण हटाउन सातदिने सूचना जारी गरिएको छ।
डिभिजन वन कार्यालयले सोमवार सार्वजनिक सूचना जारी गर्दै कैलारी गाउँपालिका वडा नम्बर–५ मा भएको वन अतिक्रमण हटाउन सात दिनको समय दिएको छ। डिभिजन वन कार्यालय बसन्ताको प्रमुख श्याम सुन्दर माझीका अनुसार कैलारी गाउँपालिका वडा नम्बर ५ मा पर्ने पवेरा सामुदायिक वन चार किल्ला क्षेत्रमा अतिक्रमण गरेर घर टहरा बनिरहेको र बनिसकेका सबै टहरा हटाउन भनिएको छ।
तोकिएको समयमा नहटाए स्थानीय प्रशासनको सहयोगमा घर टहरा हटाउने र आटेरी गर्ने घरधनी, व्यवसायीहरुलाई वन ऐन २०७६ बमोजिम कार्वाही हुने जनाइएको छ।
प्रतिक्रिया