बाजुराः बाजुरामा रहेको एक पालिकामा निशुल्क स्वास्थ्य शिविर गरिइएको छ।
जिल्लाको बुढिगंगा नगरपालिकामा शुक्रवार निस्शुल्क स्वास्थ्य शिविर सम्पन्न भएको छ। शिविरबाट १९ जना महिलामा स्त्रीरोग तथा पाठेघर सम्बन्धि समस्य देखा परेको बुढिगंगा नगरपालिकाका स्वास्थ्य संयोजक दिपक शाहले बताए। शाहले भने, ‘१९ जना महिलामध्ये ११ जना महिलाको अप्रेसननै गर्नु पर्ने समस्य देखा परेको बताए।
निःशुल्क विशषेज्ञ शिविरबाट ४ हजार ८सय ९१ जनाले सेवा लिएका छन्। फागुन १ र २ गतेगरि दुई दिन संचालन भएको उक्त शिविरबाट ३ हजार १०३ जनाले प्रत्यक्ष पुर्जी काटेर उपचार गराएका छन भने १ हजार ७ सय ८८ जनाले परामर्श सहितको सेवा लिएकाछन्।
नगरपालिकाले गरिब तथा विपन्न समुदायलाई लक्षित गरी बुढिगंगा ,बडिमालिका त्रिवेणी नगरपालिका र खप्तड छेडेदह गाउँपालिकाका स्थानीयलाई सेवा दिने गरी निस्शुल्क विशषेज्ञ स्वास्थ्य शिविर सञ्चालन गरेको बुढिगंगा नगरपालिकाका नगरप्रमुख रामबहादुर बानियाँले बताए।
अति गरिब तथा विपन्न परिवारलाई लक्षित गरेर सञ्चालन गरिएको शिविरमा नागरिकको उल्लेख्य सहभागिता रहेको नगर प्रमुख बाँनियाले बताए। सामाजिक विकास मन्त्रालय स्वास्थ्य निर्देशनालय दिपायल डोटीसँगको समन्वयमा बुढिगंगा नगरपालिकाले शिविर सञ्चालन गररेको हो।
शिविरमा नेपालगन्ज मेडिकल कजेलका १० जना वरिष्ठ चिकित्सकसहितका ४० जनाभन्दा बढी स्वास्थ्यकर्मीले सेवा दिएका थिए। शिविरमा उपचार गराएका मध्ये ११९ जनालाई रिफर गरिएको छ भने, आँखाको अप्रेशनका लागि १०४ जना विरामीको पहिचान गरिएको छ।
आँखाका बिरामीको पनि निशुल्क अप्रेसन हुनेगरी नगरपालिकाले सम्झौता गरिसकेकोले चाडो नै नगरपालिकामै उपचार हुने भएको छ। नगरपालिकाले यसरी निशुल्क स्वास्थ्य सेवा पाएपछि खुसी भएकाछन्।
प्रतिक्रिया