जाल्पेश्वरी माध्यमिक विद्यालयका अध्यक्ष सागर देवकोटाको अध्यक्षतामा भएको कक्षा १० को विदाई कार्यक्रमका प्रमुख अतिथि पञ्चदेवल विनायक नगरपालिका वडा नम्बर १ का वडा अध्यक्ष दुर्गाप्रसाद तिमल्सिना रहनुभएको थियो।
प्रमुख अतिथिको आसनबाट बोल्दै उक्त विदाई कार्यक्रममा विदाई शब्द एक आफैमा गहकिलो शब्द भएको बताउनुभएको छ।
उच्च शिक्षाका लागि माध्यमिक तहसम्मको पढाइलाई सकाउँदै एस इइको शुभकामना दिँदै सफलताको शुभकामना व्यक्त गर्नुभएको थियो।
यस्तै जालपेश्वरी माध्यमिक विद्यालयका प्रधानाध्यापक नवराज न्यौपाने विद्यालय व्यवस्थापन समितिका पदाधिकारी शिक्षक अभिभावक र विद्यार्थीहरूको सहभागिता रहेको थियो।
विदाई कार्यक्रममा विद्यालयका शिक्षक पूर्णप्रसाद देवकोटा र कक्षा ९ र १० का विद्यार्थीहरूले शुभकामना मन्तव्य राख्नुभएको थियो।
उक्त कार्यक्रममा विद्यालय व्यवस्थापन समितिका अध्यक्ष सागर देवकोटाले १० कक्षाका ४० बिद्यार्थी लाई ज्यामिती बक्स मायाको चिनो प्रत्येक विद्यार्थीलाई हस्तान्तरण गर्नुभएको थियो।
विद्यालयका शिक्षिका शर्मिला उपाध्यायको स्वागत मन्तव्यबाट भएको कार्यक्रमको सञ्चालन विद्यालयका शिक्षक नमराज न्यौपानेले गर्नुभएको थियो।
प्रतिक्रिया