पाटन, ललितपुर – आउँदो चैत्र ५ गते सम्पन्न हुन गइरहेको स्वतन्त्र विद्यार्थी युनियन (स्ववियु) निर्वाचनमा पाटन संयुक्त क्याम्पसबाट अनेरास्ववियु तर्फबाट दीपक देवकोटा प्रत्यक्ष सदस्य पदका लागि उम्मेदवार बन्नुभएको छ।
BBS चौथो वर्षमा अध्ययनरत देवकोटाले क्याम्पसलाई गुणस्तरीय, आधुनिक, र विद्यार्थीमुखी बनाउने अठोटसहित आफ्नो उम्मेदवारी घोषणा गर्नुभएको छ। उहाँले विद्यार्थीहरूको हितलाई केन्द्रमा राख्दै पारदर्शी, उत्तरदायी, र प्रभावकारी विद्यार्थी नेतृत्व आवश्यक रहेको बताउनुभयो।
उहाँले सम्पूर्ण विद्यार्थी समुदायलाई आफ्नो प्यानललाई विजयी बनाउन मताधिकार प्रयोग गर्न आग्रह गर्दै भन्नुभयो, “हामी सबै मिलेर शिक्षालाई गुणस्तरीय, पारदर्शी, र विद्यार्थीमुखी बनाउन सक्छौँ। तपाईंहरूको साथ, समर्थन, र विश्वास आवश्यक छ।”
स्ववियु निर्वाचनमा सहभागिता जनाई योग्य उम्मेदवारलाई मतदान गर्न विद्यार्थीहरूलाई आग्रह गर्दै उहाँले सम्पूर्णलाई धन्यवाद व्यक्त गर्नुभएको छ।
प्रतिक्रिया