बाजुरामा चट्याङ लागेर एक जनाको मृत्यु

बाजुरा । बाजुरामा चट्याङ लागेर एक जनाको मृत्यु भएको छ । जिल्लाको खप्तड छेडेदह २ का ८४ बर्षका दान बहादुर बुढाको मृत्यु भएको प्रहरीले जनाएको छ।

बुधवार राति घरमा चट्याङ पर्दा उनको मृत्यु भएको जिल्ला प्रहरी कार्यालय बाजुराले जनाएको छ । घरमा रहेका दुई वटा बाख्रा समेत मरेका जिल्ला प्रहरी कार्यालय बाजुराले  जानकारी दिएको छ ।

क्षतिको एकिन विवरण आउँन बाँकी रहेको प्रहरीले बताएको छ ।