सुशील बटाला अछाम -नेपाल विद्यार्थी संघ अछामको आयोजनामा वृक्षारोपण गरिएको छ ।जननायक स्वर्गीय वि • पि कोइरालाको ४१ औं स्मृति दिवस को उपलक्ष्यमा वृक्षारोपण गरिएको हो ।
नेपाल विद्यार्थी संघ अछामका अध्यक्ष खेमराज खड्का काे नेतृत्वमा नेपाली काङ्ग्रेस पार्टी कार्यलयमा विभिन्न प्रजातिका बिरुवा हरु रोपिएको थियो । वृक्षरोपण कार्यक्रममा नेबिसंघ जिल्ला कार्यसमिति पदाधिकारी सदस्य र काङ्ग्रेसका अग्र नेताहरु काे उपस्तिथि रहेकोे थियो ।
नेपालमा प्रजातन्त्रको स्थापनाका लागि कठोर सङ्घर्ष गरेका कोइरालाको विक्रम सम्वत् १९७१ साल भदौ २४ गते जन्म भएको थियो भने विसं २०३९ साउन ६ गते निधन भएको थियो । प्रत्येक वर्षको साउन ६ गतेलाई बिपी स्मृति दिवसका रूपमा वृक्षरोपणलगायत विभिन्न कार्यक्रम गरेर मनाउने प्रचलन छ ।
विसं २००५ सालमा बनारस, २००९ सालमा जनकपुर र २०१७ सालमा काठमाडौंमा भएका कांग्रेसको महाधिवेशनमा उनले उक्त पार्टीको सभापतिको जिम्मेवारी प्राप्त गरेका थिए ।
जीवनको लामो समयसम्म कांग्रेसको नेतृत्व गरी २०१५ सालको आमनिर्वाचनमा पार्टीले दुई तिहाइ बहुमत प्राप्त गरेपछि प्रथम जननिर्वाचित प्रधानमन्त्री बनेका कोइरालाले नेपालमा राष्ट्रियता, प्रजातन्त्र र समाजवाद स्थापनाका लागि राजनीतिक नेतृत्व प्रदान गरेका थिए ।
प्रतिक्रिया