माधव तिमिल्सैना अछामः वल्डभिजन र आस्था नेपालको साझेदारीमा सञ्चालित बाल संरक्षण बाल स्पोनसरसिप परियोजना अन्तर्गत आज राहत वितरण गरिएको छ । पञ्चदेवल विनायक नगरपालिका वडा नं १ कुईका र ४ कालिकास्थान तथा कमलबजार नगरपालिका वडा नं ३ बयालामा गरेर संस्थामा नाम दर्ता गरिएका विपन्न परिवारका ३९ जनालाई राहत वितरण गरिएको हो ।
उनीहरुलाई प्रति व्यक्ति ३० के.जी. चामल, ३ के.जी. दाल, २ के.जी. चिनी, २ के.जी. नून, २ लिटर खाने तेल, ४ पिस साबुन गरेर प्रति व्यक्ति रु. ३०४३ बराबरको सामान वितरण गरिएको छ ।
राहत वितरण कार्यक्रममा बोल्नुहुदै पञ्चदेवल विनायक नगरपालिका वडा नं ४ कालिकास्थानका वडाध्यक्ष सज्जन बहादुर शाहीले यो महामारीले विपन्न परिवारमा निकै असहज परिस्थिति निम्त्याएको भन्दै सहयोग गरेकोमा धन्यवाद दिनुभएको छ ।
उहाले यस्ता काममा सक्रिय भएर लाग्न संस्थालाई अपिल समेत गर्नुभएको थियो । कार्यक्रमको सहजिकरण फिल्ड अधिकृत कुल बहादुर रावलले गर्नुभएको थियो । संस्थामा नाम दर्ता गरिएका विपन्न बालबालिकालाई राहत वितरण निरन्तर गरिने उहाले बताउनुभयो ।
प्रतिक्रिया