काठमाडौं, जेठ २९ – चर्चित गायिका एलिना चौहानको नयाँ गीत ‘गल्ती गरेर माया लाएर’ सार्वजनिक भएको छ।
प्रेममा धोका पाएका युवाको जीवनकथालाई समेटिएको गीतको शब्द सुभाष निरौला र संगीत सुवास कार्कीको रहेको छ।
गीतको भिडियोमा गायक विशाल निरौलाले अभिनय गरेका छन्। प्रेम र विश्वासमा आधारित भावनात्मक गीतले दर्शक–श्रोतालाई आकर्षित गर्ने विश्वास निर्माण टोलीले व्यक्त गरेको छ।
भिडियोमा श्रीकृष्ण निरौला, ईशा गिरी र अछामकि विपना रिमालको अभिनय देख्न सकिन्छ भने निर्देशन विकास प्रसाईंले गरेका हुन्।
उक्त म्युजिक भिडियोको छायांकन उत्तम हुमागाईंले गरेका छन्। पुस्कर श्रेष्ठको ब्याकग्राउन्ड स्कोर रहेको भिडियोलाई ‘म्युजिक मिडिया’ युट्युब च्यानलमार्फत सार्वजनिक गरिएको हो।
- https://youtu.be/ceYMtIw9reU?si=ndTSrZJgZtqVYQNJ
प्रतिक्रिया