बैतडीको पाटनलाई बुझाए युवाहरुले सुझाव पत्र 

बैतडीः बैतडीको पाटन नगरपालिकालाई युवाहरुले सुझाव पत्र बुझाएका छन्। नगरपालिकालाई युवाहरुले आगामी आर्थिक वर्षको नीति तथा कार्यक्रम र बजेटमा युवा लक्षित कार्यक्रम समावेश गर्नुपर्ने भन्दै विभिन्न सुझाव बुझाएका हुन्।

नगरपालिकाको १० ओटै वडामा गठन भएका युवा क्लबका तर्फबाट नगरपालिकालाई सुझाव पत्र बुझाएको वडा नम्बर–९ मा गठन भएको वडास्तरीय युवा क्लबका अध्यक्ष सञ्जय भण्डारीले बताए। आगामी आर्थिक वर्षको नीति तथा कार्यक्रम र बजेटमा युवाहरुका सवाल, युवा लक्षित कार्यक्रमलाई समावेश गनुपर्ने मागसहित सुझाव पत्र पेश गरेको उनले बताए।

यस्तै आगामी आर्थिक वर्षमा युवाहरुका लागि सीपमूलक तालिम, सांस्कृतिक रुपान्तरणमा युवा सचेतना कार्यक्रम, लागुऔषध दुव्र्यसनबाट बचाउन सचेतनामूलक कार्यक्रम, नगर प्रमुख युवा उद्यमशीलता कार्यक्रम र नमूना युवा नगरसभा कार्यक्रम सञ्चालन गर्न माग गरिएको बताइएको छ। पाटन नगरपालिकामा पुगेर नगर उपप्रमुख कमलसिंह बोहरालाई सुझाव पत्र र कार्यक्रमहरु पेश गरिएको वडा नम्बर–४ मा गठन भएको युवा क्लबका अध्यक्ष अमरप्रसाद भट्टले बताए।