तीन साता लकडाउन गर्न सिफारिस

शहरमा ५०० सक्रिय संक्रमित भेटिए निषेधाज्ञा जारी हुने, अन्तर्राष्ट्रिय सीमानाका तत्काल बन्द गर्ने सरकारको तयारी,सबै तहका परीक्षा स्थगित हुने र ‘जसरी हुन्छ जनतालाई बचाऔँ’ लगायत शीर्षकका समाचार प्रकाशित गरिए।

सोमबार राजधानीबाट प्रकाशित पत्रपत्रिकाले फरक – फरक विषयका समाचारलाई महत्वका साथ छापेका छन्। पत्रिकाहरुले लोकसेवा आयोगकै गम्भीर त्रुटि, भातरसँग खुला सीमा नियन्त्रण गर्न परमादेश र एमाले एक्सन सरकारविरुद्ध लागे सिधै कारबाही लगायत का समाचारलाई प्राथमिकताका साथ सम्प्रेषण गरेका छन् ।

कान्तिपुर दैनिक ले ‘तीन साता लकडाउन गर्न सिफारिस’ शीर्षकको समाचार छापेको छ । समाचारमा कोभिड संकट व्यवस्थापन केन्द्र ९सीसीएमसी० ले कम्तीमा तीन साता देशभर लकडाउन गर्न मन्त्रिपरिषद्समक्ष सिफारिस गरेकोउल्लेख छ । समाचारअनुसार कोरोना महामारीको दोस्रो लहर तीव्र गतिमा फैलिएको निष्कर्ष निकाल्दै सीसीएमसीले कम्तीमा वैशाख मसान्तसम्म लकडाउनको सिफारिस गरेको समाचारमा छापिएको छ ।
त्यसैगरी पत्रिकाले ‘दलहरूको ध्यान सत्ता फेरबदलमै’ शीर्षकको अर्को समाचार पनि महत्वका साथ छापेको छ । समाचारमा कोरोना संक्रमण तीव्र रूपमा विस्तार भइरहेका बेला प्रमुख दलहरू भने सत्ता फेरबदलको राजनीतिक हिसाबकिताबमा व्यस्त रहेका उल्लेख छ । एमाले र कांग्रेस दुवैले आइतबार पनि आन्तरिक बैठकमार्फत सम्भावित सत्ता समीकरण र जोखिमबारे समीक्षा गरेका समाचारमा छापिएको छ । पत्रिकाले फास्ट ट्य्राक सुरुङ निर्माण ठेक्का स् रद्द गर्न भनिएकै कम्पनीलाई दिने तयारी, न बेड पाइन्छ, न एम्बुलेन्स र संक्रमणसँगै मृत्युदर पनि उच्च लगायत शीर्षकका समाचार महत्वका साथ छापेको छ।

आजको नयाँ पत्रिका दैनिकले ‘प्रवासी नेपालीलाई भारतमा महाभारत’ शीर्षकको समाचार महत्वका साथ छापेको छ । समाचारमा अस्पतालमा पहुँच नभएको भन्दै नेपालीले प्रवासी नेपालीसम्बन्धी विभिन्न संगठनसँग हारगुहार गर्न थालेका समाचारमा छापिएको छ । समाचारअनुसार महामारीपीडित नेपालीको संख्या र अवस्थाबारे न दूतावासलाई जानकारी, न सरकारलाई चासो रहेको समाचारमा उल्लेख छ । त्यसैगरी पत्रिकाले लेखा समितिको निर्देशन अटेर गर्दै सेनाले अघि बढायो फास्ट ट्र्याकको काम, गण्डकीका मुख्यमन्त्रीविरुद्ध अविश्वास प्रस्ताव टेबुल हुने र संक्रमण बढ्न थालेपछि सबै परीक्षा स्थगित लगायत शीर्षकका समाचार महत्वका साथ छापेको छ।

आजको गोरखापत्र दैनिकले ‘सरकारी भवन निर्माणले गति लिँदै’ शीर्षकको समाचार महत्वका साथ छापेको छ । समाचारअनुसार सरकारले पूर्वाधार विकासलाई अगाडि बढाउने क्रममा विशेष भवन निर्माणलाई गति दिएको छ । विशेष भवन निर्माणअन्तर्गत अहिले सिंहदरबार परिसरमा सङ्घीय संसद् भवन र बालुवाटारमा प्रधानमन्त्रीको सरकारी आवास निर्माण भइरहेका समाचारमा छापिएको छ ।
त्यसैगरी पत्रिकाले दुर्लभ अर्ना गणना सकियो, दुई वर्षमा १३ प्रतिशतले बढे, सोमबारबाट सबै तहका परीक्षा स्थगित गर्न सिफारिस र चार रेक्टर माथिका ५५२ पराकम्प, ९३ प्रतिशत निजी आवाश निर्माण लगायत शीर्षकका समाचार छापेको छ।जनतासमाचार डट्कम