एलिना चौहान र विष्णु सापकोटा बिच बैबाहिक जीवन सुरु हुँदै

गायिका एलिना चौहानले आगामी बर्षको वैशाख ५ बिबाह गर्ने भएकी छन् । प्रेमी विष्णु सापकोटासँग एलिनाले गृह नगर झापाबाट विवाह गर्ने भएकी हुन् ।

‘दुई परिवारको सहमतीमा हामी बिबाह गर्न तपार भएको हौं । बिहे सरल तरिकाले गर्ने योजना छ ।’ एलिना भन्छिन्, ‘हामी प्रेम सम्बन्ध रहेपनि बिबाह चाहिं मागी नै हो । अब बिबाह र साँगीतिक जीवनलाई मिलाएर अगाडी बढाउँछु ।’ अष्ट्रेलियामा व्यावसाय गर्दै आएका विष्णु सापकोटा बागलुङ निवासी हुन् । उनी गीतकार समेत हुन् । केही साता अगाडी नेपाल आएका बिष्णु यतिबेला बिबाहको तयारीमा जुटेका छन् ।

छोटो समयमा एलिनाले साँगीतिक क्षेत्रमा सफलता पाइरहेकी छिन् । कभर गीत गाएर चर्चामा आएकी एलिनाले पछिल्लो समय स्वर दिएका दर्जन बढी गीतहरु हिट छन् । एलिना र बिष्णुलाई बैबाहिक जीवनको अग्रिम शुभकामना ।