लम्की क्याम्पसको सभापतिमा तिमिल्सेना

धनगढी: कैलालीकाे लम्की बहुमुखी क्याम्पसको स्वतन्त्र विद्यार्थी युनियनको निर्वाचनबाट कल्पना तिमिल्सेना सभापति पदमा निर्वाचित भएकी छिन्।

आईतवार सम्पन्न मतदानबाट अनेरास्ववियूकी प्रत्यक्षतर्फ उम्मेदवार तिमिल्सेना निर्वाचित भएकी हुन्। तिमिल्सेनाले एक सय ६२ मत प्राप्त गरेकी थिइन्। सचिव पदमा दुई सय ४९ मत प्राप्त गर्दै पूजा विष्ट निर्वाचित भईन। कोषाध्यक्षमा दुई सय ९९ मत प्राप्त गर्दै नियुना खनाल निर्वाचित भएकी छिन्।

सदस्यमा मनिषा भुल, प्रदिपप्रसाद न्यौपाने, प्रकाश धमाला, टीका विसी र दिनेश चौधरी निर्वाचित भए। मिला बोहरा र सुनिल नेपालीको बराबरी भएकाले चिट्टामार्फत नेपालीलाई सदस्यमा निर्वाचित भएको घोषणा गरिएको थियो।