धनगढीः धनगढीका पत्रकार दीपक उपाध्याय सम्मानित भएका छन्। लायन्स क्लब इन्टरनेसनल डिष्ट्रीक ३२५ एनको पहिलो वार्षिक अधिवेशनका अवसरमा उनी सम्मानित भएका हुन्।
लायन्स क्लब इन्टरनेसनल डिष्ट्रीक ३२५ एनको पहिलो वार्षिक अधिवेशनका अवसरमा धनगढीमा उपाध्यायलाई डिष्ट्रीक चिप एड्भाईजर बालकृष्ण बुर्लाकोटीले दोसल्लासहित सम्मानपत्र हस्तान्तरण गरेका हुन्। उपाध्यायले एक सय पटक रक्तदान गर्दै समाजलाई योगदान दिएको भन्दै क्लबले सम्मान गरेको हो।
रक्तदान गर्दै धेरै मानिसको ज्यान जोगाउन महत्वपूर्ण भूमिका खेल्नुका साथै रक्तदान गर्नुपर्छ भन्ने सन्देश प्रवाह गर्ने गरेका उपाध्यायले हालसम्म १ सय पटक रक्तदान गरिसकेका छन्।
उनी नेपाल पत्रकार महासंघ कैलाली शाखाका सदस्य समेत हुन्। उपाध्याय धनगढीबाट लामो समय टेलिभिजन पत्रकारको रुपमा कार्यरत थिए। हाल उनी इकागजमा कार्यरत छन्।
प्रतिक्रिया