आफ्नो कार्यकालमा शैक्षिक क्षेत्रको सुधारमा जोड दिने -सांसद शाह

टेकराज भण्डारी, फागुन १४, अछाम– अछाम क्षेत्र नम्बर २ बाट निर्वाचित सांसद पुष्प बहादुर शाहले आफ्नो कार्यकालमा शैक्षिक क्षेत्रको सुधारका लागि जोड दिने बताउनु भएको छ ।
आफ्नो निर्वाचन क्षेत्रका विभिन्न सरोकारवालासंग भेटघाट गरिरहनु भएका सांसद शाहले आज मंगलसेन नगरपालिका वडा नम्बर ६ मा रहेका मालिका आधारभूत विद्यालयमा भेटघाट गर्दै सो कुरा बताउनु भएको हो ।

विद्यालयले सांसद शाहले स्वागत तथा बधाई ज्ञापन गर्दै विद्यालयका समस्याबारेमा ज्ञापन पत्र प्रदान गरेको थियो ।विद्यालय व्यवस्थापन समिति अध्यक्ष हेमराज भण्डारीको अध्यक्षतामा भएको कार्यक्रममा सांसद शाहले अहिले शिक्षा क्षेत्रमा भौतिक पूर्वाधार, शिक्षक दरबन्दी लगायतको समस्या रहेको भन्दै सामुदायिक विद्यालयको भौतिक सुधारमा सरोकारवाला गम्भीर हुनुपर्नेमा जोड दिनुभयो ।

आफुले आफ्नो तर्फबाट विद्यालयको भौतिक पूर्वाधारका लागि जोड दिने बताउनु भयो । आफुले जसरी पनि मालिका आधारभूत विद्यालयका लागि भवनको व्यवस्था गर्ने प्रतिबद्धता जनाउनु भयो ।विद्यालयका प्रधानाध्यापक टेकराज भण्डारीले विद्यालयको अवस्था तथा समस्याका बारेमा अनुरोध पत्र सांसद शाहलाई प्रदान गर्नुभयो ।
सो अवसरमा जिल्ला शिक्षा समितिका सदस्य तथा कांग्रेस महासमिति सदू पदमराज अधिकारी, कांग्रेस वडा सभापति गंगाराम भण्डारी, नेविसंघका सचिव बम स्वार,

पत्रकार महासंघका नमराज भण्डारी, व्यवस्थापन समितिका सदस्य भवानी भण्डारी लगायतको सहभागिता रहेको थियो ।
कार्यक्रममा सहायक प्रधानाध्यापक भक्तराज ढुंगानाले स्वागत गर्नुभएको थियो । सांसद शाहले आजै जाल्पा मावि मुंग्राचौर र गंगा मावि तेसिंगेमा समेत भेटघाट गर्नुभएको छ ।