अछाम । आस्था नेपाल अछाम र वर्ल्डभिजन ईन्टरनेश्नल नेपालको आर्थिक सहयोगमा पञ्चदेवल बिनायक नगरपालिका वडा नं १ कुईकाको अमरसेनमा अभिभावकहरूलाई बालसंरक्षण परियोजना सम्बन्धी एकदिने अभिमुखीकरण कार्यक्रम सम्पन्न भएको छ ।
पञ्चदेवल बिनायक नगरपालिका वडा नं १ कुईकाको समन्वयमा अभिमुखीकरण कार्यक्रम सम्पन्न भएको आस्था नेपालले जनाएको छ । अभिभावकहरूलाई बाल अधिकारका चार क्षेत्रहरू बाल बचाउ,बालसंरक्षण,बालबिकास र बाल सहभागीताको बारेमा जानकारी गराउने उदेश्यले कार्यक्रमको आयोजना गरीएको बताईएको छ ।
वडा सदस्य हिरा बि।क।को अध्यक्षतामा भएको कार्यक्रममा आस्था नेपाल अछामका फिल्ड सुपरभाईजर कुल बहादुर रावत,सामाजिक परिचालक खगेन्द्र प्रसाद उपाध्याय र रूपान्तरण कक्षाका साथी शिक्षक बिजय रिमाल र हस्तना तिमिल्सैना लगायत अभिभावकहरूको उपस्थिती रहेको थियो । कार्यक्रमको सहजीकरण आस्था नेपाल अछामका खगेन्द्र उपाध्यायले गर्नु भएको बताईएको छ । सुदूर दर्पण
प्रतिक्रिया