हिक्मत बहादुर नेपाली
अछाम, पौष २३ ।
अछामको ढकारी गाउँपालिका वडा नं ६ ढुङ्गाचाल्लामा नवनिर्मित प्रहरी चौकीको भवन उद्घाटन गरिएको छ ।
भवन परिसरमा आज एक कार्यक्रमका सुदूरपश्चिम प्रहरी प्रमुख प्रहरी नायब महानिरीक्षक गणेश चन्दले उद्घाटन गर्नुभयो ।
चन्दले भवन उद्घाटन कार्यक्रको प्रमुख अतिथिको आशन बाट बोल्दै ढुङ्गाचाल्ला जस्तो विकट वस्तीमा सुविधा सम्पन्न भवन निर्माण भएकोले प्रहरीलाई सेवा प्रवाहमा सहजता प्रदान गर्ने बताउनु भयो । समाजमा शान्ति सुरक्षा कायम गर्न सुविधा सम्पन्न भौतिक पुर्वाधारले प्रहरी लाई थप उत्साह थप्ने उहाँको भनाइ छ ।
भवन उद्घाटन कार्यक्रम प्रमुख जिल्ला अधिकारी शिव प्रसाद लम्सालको अध्यक्षतामा सम्पन्न भएको हो ।
कार्यक्रममा जिल्ला प्रहरी कार्यालयका प्रमुख प्रहरी नायब उपरीक्षक ईश्वरी प्रसाद भण्डारी , ढकारी गाउपालिकाका प्रमुख प्रकाश बहादुर साउद, विभिन्न स्थानीय तहका जनप्रतिनिधि, स्थानीय नागरिक पत्रकार लगायतको उपस्थिति रहेको थियोे ।
कार्यक्रमको सञ्चालन ईलाका प्रहरी कार्यालय कमलबजारका प्रमुख प्रहरी निरीक्षक हर्ष बहादुर चन्दले गर्नु भएको थियोे ।
प्रतिक्रिया