मंगलसेन नगरपालिका र अछाम जेसिज द्धारा शौचालय सरसफाई ।

मंगलसेन नगरपालिका र अछाम जेसिज द्धारा शौचालय सरसफाई ।
मंगलसेन नगरपालिकाको खुल्ला मंच अगाडी निर्माण गरिएको शौचालय सफा गरिएको छ ।

एक बर्ष अघि निर्माण गरिएको शौचालय सरसफाईमा ध्यान नदिएको भन्दै नगरपालिकाको आलोचना भएपछि सोमबार नगरपालिका र अछाम जेसिजको सहकार्यमा सरसफाई गरिएको हो ।

नगरपालिकाको आर्थिक बर्ष २०७९÷८० को ७ लाख ५० हजारको लगानीमा निर्माण गरिएको शौचालय निकै दुर्गन्धित भएको भन्दै जिल्लाका विभिन्न संचार माध्याम र सामाजिक संजालमा आलोचना भएपछी नगरपालिका, अछाम जेसीज र केही युवाहरुको सहभागितामा शौचालय सरसफाई गरिएको नगरपालिका वन वातावरण तथा विपद व्यवस्थापन शाखा प्रमुख नरेश बहादुर कठायतले बताउनुभयो ।

कठायतका अनुसार अब शौचालय नियमित संचालनका लागि नगरपालिको तर्फबाट एकजना कर्मचारीको व्यवस्थापन गरिने बताउनुभयो ।

स्थानीय व्यपारीहरुले पनि शौचालय प्रयोग गर्ने तर सरसफाइका लागि कसैले पनि ध्यान नदिदा शौचालय दुर्गन्धित भएको सरोकारवालाको भनाई थियो । यस्ता सार्वजनिक शौचालयको कुनै व्यक्ति वा संस्थाले जिम्मेवारी नलिदा सम्म यस्तै अवस्था रहने भन्दै अब नगरपालिकाले एकजना कर्मचारी राखेर शौचालय नियमित संचालन गर्नुपर्ने अछाम जेसीजका अध्यक्ष फलेन्द्र प्रसाद उपाध्याको भनाई छ ।

नागरिकहरु पनि सभ्य बन्नुपर्नेमा जोड दिदै अध्यक्ष उपाध्यायले यस्ता कार्यमा सबैले सकारात्मक भूमिका खेल्नुपर्नेमा जोड दिनुभएको छ ।

सरसरफाइ कार्यमा वडा न ४ का अध्यक्ष नाम सिंह धामी,नगरपालिका लेखा अधिकृत विष्णु प्रसाद उपाध्याय, स्वास्थ्य शाखा प्रमुख भुमीनन्द ढुंगाना, मंगलसेन बहुप्राविधिक शिक्षालयका प्रमुख तिर्थराज आचार्य, अछाम जेसीजका अध्यक्ष फलेन्द्र प्रसाद उपाध्याय, कार्यकारी उपाध्यक्ष जीतमान बोहरा, मंगलसेन नगरपालिका एमआइएस अपरेटर एकेन्द्र बोगटी लगायत स्थानीय युवाहरुको सहभागिता रहेको थियो ।