मंगलसेन नगरपालिका वडा न १० जुपुका स्थानीय समाजसेवी टेक बहादुर कडायतले विद्यार्थिहरुलाई न्यानो लुगा वितरण गर्नुभएको छ ।
वडामा रहेको कैलासेश्वर आधारधुत विद्यालयमा अध्यानरत ४६ जना बालबालिकालाई न्यानो लुगा वितरण गर्नुभएको हो । उक्त विद्यालयका संस्थापक तथा पुर्व विद्यालय व्यवस्थापन समितीका अध्यक्ष समेत रहनु भएका कडायतले विद्यालयमा अध्यानरत विद्यार्थिलाई चिसोबाट जोगाउने उदेश्यले न्यानो लुगा वितरण गरिएको कडायतले बताउनुभयो । विद्यालयका आर्थिक अवस्था कमजोर भएका बालबालिकाहरुलाई न्यानो लुगा वितरण गरिएपछि विद्यार्थि र बालबालिका खुसी भएका छन ।
रेडियो गाउँघर संग कुराकानी गर्दै कडायतले आफुले विद्यालय स्थापना पनि गरेको र अध्यापनपनी गाराएको विद्यालय भएकाले आगामी दिनमा विद्यालयको थप स्तरोन्नतीका लागि पहल गर्ने प्रतिबद्धता समेत जनाउनु भएको छ । विद्यालय व्यवस्थापन समितिका अध्यक्ष धन बहादुर कडायतको अध्यक्षतामा भएको कार्यक्रममा वडा अध्यक्ष जनक बहादुर कुवँर प्रमुख अतिथि रहनुभएको थियो ।
कार्यक्रममा बोल्दै वडा अध्यक्ष कुवँरले चिसो मौसममा बालकालिकाहरुलाई न्यानो लुगा वितरण गर्ने समाजसेवी कडायतलाई धन्यवाद दिदै आगामी दिनमा पनि विद्यालयको थप विकासका लागि पहल गर्न आग्रह गर्नुभएको छ । विद्यालय स्थापना गर्न देखी अन्य विकासका लागि कडायतको महत्वपुर्ण भूमिका रहेको भन्दै वडा अध्यक्ष कुवँरले अरु व्यक्तिहरुले पनि आगामी दिनमा पनि यस्तै परोपकारी काम गर्र्नुपर्नेमा जोड दिनुएको छ । राम्रो गर्ने विद्यालयलाई वडा समितिको तर्फबाट सधैं सहयोग रहने प्रतिबद्धता जनाउनुभएको छ ।
कार्यक्रममा बिशिष्ट अतिथिको आशनबाट बोल्दै पुर्व वडा अध्यक्ष नेत्र बहादुर रावलले विद्यालयको विकासका लागि सबैले हातेमालो गर्नुपर्नेमा जोड दिनुभएको छ । आज सामुदायिक विद्यालयहरूको शैक्षिक गुणस्तर राम्रो नभएको गुनासो बढ्न थालेकाले यसका लागि शिक्षकले पहिलो जिम्मेवारी लिनुपर्ने बताउनुभयो ।
विद्यालयको शैक्षिक क्षेत्रको विकासका लागि सबैले हातेमालो गर्नुपर्नेमा जोडदिदै पुर्व अध्यक्ष रावलले आगामी दिनमा सबैले सकारात्मक भुमिका खेल्न आवश्यक रहेको बताउनुभएको छ ।
न्यानो लुगा वितरण कार्यक्रमको समापन गर्दै अध्यक्ष धन बहादुर कडायतले आफ्नो नेतृत्वमा विद्यालयलाई लयमा लिने प्रतिबद्धता जनाउनु भएको छ । आफू नेतृत्वमा आएको छोटो समय भएकाले अबको एक बर्षमा विद्यालयमा धेरै कुरा सुधार गर्ने प्रतिबद्धता जनाउदै आफ्नो फजुल खर्च घटाएर विद्यालयको विकासमा लगानी गर्ने बताउनुभएको छ । कार्यक्रममा वडा सदस्य, अरू समाजसेवी र अभिभावकको सहभागीता रहेको थियोे । कार्यक्रमको संचालन विद्यालयका प्रधानाध्यापक ईन्द्र बहादुर रावलले गर्नुभएको थियो ।
प्रतिक्रिया