विनायक २ मा पनि छाउपडी गोठ भत्काउने अभियान चल्दै-अछाम टुडे

माधब तिमिल्सैना
अछामः पञ्चदेवल विनायक नगरपालीका वाड नं २ मा छाउपडी गोठ भत्काउने अभियानअन्तर्गत आज १६ वटा छाउगोठ भत्काईएका छन् । पन्चदेवल बिनायक नगरपालिका वडा नः२ का वडा सदस्य ललित बहादुर शाहीको संयोजकत्वमा खटीएको टोलिले १६ वटा छाउगोठ भत्काएको हो । “ब्यबस्था बदलियो अब अवस्था बदलौ,भत्काऔ छाउगोठहरु अब चेतना बदलौ”भन्ने मुल नाराका साथ आज वडाका विभिन्न टोलमा छाउगोठ भत्काउने अभियानको द्रोसो दिन अन्तर्गतको कार्यक्रम सुरु गरिएको हो।

हिजोबाट सुरु भएको अभियानको पहिलो दिन हिजो ५ र आज १६ गरि जम्मा २१ वटा छाउगोठ भत्काईएको वडा सदस्य ललित बहादुर शाहीले बताउनुभयो । सम्झाई बुझाई गर्दै छाउगोठ भत्काउने गरिएको ईलाका प्रहरी कार्यलय विनायकका प्रमुख भरत बहादुर रोकायले रेडियो पञ्चदेवललाई जानकारी दिनुभयो । उहाले धेरै जसो महिलाहरु असुरक्षित अवस्थामा वस्ने गरेको भेटिएका बताउनुभयोे ।

उक्त्त अभियानमा वडा नः२ का महिला वडा सदस्य भावना धामी, नेपाली कांग्रेसका वडा सभापति महारुप धामी, ईलाका प्रहरी कार्यलय विनायकका प्रमुख भरत बहादुर रोकाय, महिला स्वयंमसेविका कल्पना विक लगायतको उपस्थिति रहेको थियो । अभियान भोलिसम्म चल्नेछ ।